Tantangan

PakOsu: “ Assalamualaikum, baa kaba. Susah bana manghubungi Maknen”
Maknen: “Waalaikum salam, Kaba bayiak. Ambo nan susah nan manghubungi PakOsu. Ambo telepon ka simpati ndak bisa, ka esia jo indak masuak.”
PakOsu: “ Hp ambo acok mati, maklum hp jadul. Ndak ado piti untuak mangganti.Dima proyek Maknen kini.”
Maknen: “Ambo kini di Pasar Festival, Kuningan. Ambo ado carito saketek ko mah.”
PakOsu: “Apo tu, lai proyek untuak ambo ndak, hehehe…”
Maknen: “Bantuak ko. Kawan den samo-samo sma dulu ado nan basadio mamodali. Keceknyo iko ado modal, ado kantua. Carilah proyek, beko dimodali, kelolah surang.”
PakOsu: “Rancak tu mah.”
Maknen: “Masalahnyo ambo kurang pede. Mental ambo alun siap.”
PakOsu: “Nunggu siap mental indak pernah siap-siap lo Maknen.”
Maknen: “Masalahnyo itu PakOsu. Ambo masih ragu. Kalau masalah karajo mungkin indak ka ragu lai do.”
PakOsu: “Itu tantangan, Maknen. Masak salamonyo jadi anak buah urang. Kan awak lah samo2 marasokan jadi anak buah urang. Belasan tahun awak jadi anak buah, tapi indak bakambang do. Mode iko se iduiknyo, urang makin kayo awak tatap se jadi kontraktor, hehehe… Yo, mukasuiknyo awak tatap se ngontrak tampek tingga dari tahun ka tahun.”
Maknen: “Ambo sabananyo lai tapikia untuak mulai usaho surang tu mah. Itu tadilah masalahnyo, ambo maraso alun siap mental lai.”
PakOsu: “Malangkah selah Maknen, Bismillah se, semangat. Urang bisa manga awak indak. Sudah tu kesempatan tu kan indak datang duo kali. Ambo siap mambantu kalau Maknen paralu bantuan.”
Maknen: “Ambo kalau untuak tanago lapangan lai ado ma. Ado mandua nan ambo picayo, tanago karajo lai ado pulo.”
PakOsu: “Apo jo lai nan di ragukan. Alah ado modal Maknen ma.  Ambiak se lah kepercayaan jo tantangan nan diagiah kawan Maknen tu.”
Maknen: “Baa tu, ambo kan masih karajo jo urang.”
PakOsu: “Saran ambo mode ko. Kini Maknen tatap karajo jo urang nan kini. Yo, indak paralu drastis barubah, saketek-saketek se. Cek urang salangkah salangkah. Samantaro Maknen karajo jo urang, mulai cari dan mangarajokan proyek nan ketek se dulu. Cari mandua nan bisa diparcayo, ambiak urang surang untuak maurus administrasi. Jadi Maknen tingga makoordinatori se. Kalau alah jalan, bisa diandalkan dan hati Maknen alah mantap, baru tinggakan karajo nan kini. Kelola usaho nan dirintis tu secara professional, fokus disitu. Tapi sabalunnyo buek paretongan nan jaleh jo kawan nan mamodali Maknen tu. Bilo diparalukan buek surek perjanjian, baa bentuk karajosamo ko. Bana-bana harus jaleh, sabab pitih indak mangenal kawan jo saudara.
Maknen: “Ambo paralu urang nan jadi pendorong sumangaik. Taruih tarang ambo masih ragu.”
PakOsu: “Ingeklah Maknen kesempatan indak datang duo kali.  Bismillah se la. Insya Allah sukses. Ambo paralu pulo batamu jo Maknen ma. Bisa ndak beko sore basobok.”
Maknen: “Beko jam limo ambo agiah tau.”
PakOsu: “Jadilah, ambo tunggu kabanyo. Sms se  ka hp ambo beko. Assalamualaikum.”
Maknen: “Waalaikumsalam.”

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s


%d blogger menyukai ini: